Friday, November 23, 2012

म विदेश बुझ्दैछु


राम गयो, श्याम गयो, हरि गयो।
हिरो, हिरोइन, गायक, खेलाडी, कथा पुरानो भयो।
कसैले डलर फलायो, कसैले मोटर दौडायो।
कसैले उतै घरजम बसायो।
अनि धेरैले फेसबुकमा फोटो सजायो।
कैले काहिँ देश आइकन फुर्ति देखायो।
कसैको चै पत्तो छैन, खै कता हरायो?
जे होस् मोज मस्ती मै आफुलाई भुलायो।

यस्तै म सोच्दै छु।
नेपालमा बसी म के गर्दैछु?
कैले बकम्फुसे पढाई गर्दैछु।
फेरी दिन रात अफिस, काम भन्दैछु।
ताई-न-तुई को tension लिदैछु।
अनि थोरै रुपियाँ गन्दै छु।
मान्छेको भिड मा रुमलिदै छु।
लखर लखर हिड्दै छु।
तेस्सै time pass गर्दैछु।

सबैले यस्तै सोच्यो, सबैले यस्तै देख्यो।
माटो देखेन, मैलो मात्र देख्यो।
खुशी देखेन, पसिना मात्र देख्यो।
load-shedding मा सधैँ बत्ती निभेको मात्र देख्यो, उज्यालो कतै देखेन।
यो आखाँले केहि देख्दै देखेन। अहँ, खोज्दै खोजेन। 
मात्र टाढा को तिर्थ देख्यो। अनि त्यहाँ धन को देवी देख्यो।
समयले यसरी विदेश खेद्यो।

कसैलाई विदेश रहर हो।
कसैको सपना अनि कसैको बहाना।
यस्तै बहाना म खोज्दै छु।
विदेशिने रहर मेट्दैछ।
म विदेश बुझ्दैछु।